Lyrics
ရန်ကုန်မြို့မှာ
Club တွေဘားတွေ မပေါများခင်က
မြင်မြင်သမျှ လက်ဖက်ရည်ဆိုင်လေးတွေဟာ
လောကတစ်ခွင်စာ
အဲ့မှာ အထင်ကရ သီချင်းတွေ အုပ်စုဖွဲ့သောတဆင်ကြ
ငါတို့ကို ဘယ်သူမှ လာခွဲလို့မရပါ
ကျောသားရင်သား
ရပ်ကွက်အချင်းချင်းလဲ မတည့်
တွေ့တာနဲ့ သတ်ပုတ်တာကများ
ငါတို့ရဲ့ မွဲပြောပုဆိုးတွေဟာ
တဖြည်းဖြည်း ချက်ပြုတ်လာရာမှာ
အပတ်တစ်ကုတ် ရှာကာထားတဲ့ မုန့်ဖိုးဆိုတာ လက်တစ်ဆုတ်စာ ပမာဏ
တွတ်ပီစာအုပ်တွေနဲ့ Rap တစ်ပုဒ်ဟာ နတ်သုဒ္ဒါအာဟာရ
မျက်စောင်းလေး တစ်ချက်ထိုးရင်တောင်မှ နာကျင်လောက်တဲ့အရွယ်
ရည်းစားတော့မျက်နှာအပျက်မခံဘူး
မိဘအပေါ် တာဝန်ဘယ်လောက်မဲ့မဲ့
သူငယ်ချင်း အပေါင်းအသင်းရောင်းရင်း
တစ်ဒါဇင်လောက်နဲ့တွဲ
ရာဇဝင်ကောင်းတဲ့ ဂျစ်ပစီမိုးတိမ်လေးတွေ
စာသင်ကျောင်းနဲ့မတည့်
လမ်းမီးတိုင်နဲ့စာအုပ်ဆိုင်တွေသာ ခင်တွယ်ခဲ့တာ
သင်္ဃန်းကျွန်းတစ်ဝိုက်ပတ်ပတ်လည်ဟာ သူတို့ ကျင်လည်တဲ့နေရာ
ဆိုဖီရဲ့ကမ္ဘာလေလွင့်သူထဲက ဇာတ်ကောင်ရဲ့အထာ
ဘဝမှာ ပါစကယ်ခူးသွယ်တို့လိုလဲ မစင်ကြယ်ခဲ့ရှာ
ငါတို့မှာ
Cho:
အိပ်မက်များဟာ ငါ့ပုဆိုးစလိုပဲ
လမ်းမခေါ် နွမ်းလျှကာ ဖွာလန်ကြဲ
လက်ဖက်ရည်ဆိုင်က သီချင်းတွေ
စလွယ်သိုင်းရင်းလေ အိမ်စောင့်နတ်နဲ့လဲ မတည့်
ကတ်ဆက်တစ်လုံးကို ပုခုံးဖက်ပေါင်းသင်းခဲ့တယ်
ရင်ခုန်သံကို စာရွက်အလွတ်တွေထဲထည့်
ကမ္ဘာမှာ ဘာနဲ့လဲနိုင်မလဲကွယ်
တစ်ခါက သင်္ဃန်းကျွန်းညများရယ်
Rap:
ရန်ကုန်မြို့မှာ
မြောက်ပြန်လေတွေတိုက်ခတ်ခဲ့တုန်းက
Cyprus လမ်းနဲ့ ဦးခင်ဝမ်းကို ကြိုက်တတ်ခဲ့တုန်း အစ
ဥမကွဲ သိုက်မပျက် ဆောင်းညတွေဟာ
မအိုက်စက်ခဲ့ လုံးဝ
ကောင်းကင်ပြာပြာကြီးနဲ့ ငါတို့ စွန်တွေဟာ
အလိုက်ဖက်ခဲ့ဆုံး ကဗျာ
ကစားနည်းပေါင်း သောင်းခြောက်ထောင်နဲ့
ကတ္တရာမဖြစ်သေးတဲ့ မြေသားတွေ
လိုချင်တပ်မက်စိတ်တွေဟာ အခုလောက်ထိ
ရှည်လျားထွေပြားမနေ
ပျောက်ဆုံးနေသော နိဗ္ဗာန်ဘုံကို
သတိတစ်ကယ်ရတယ်
ရေဒီယို ကမာရွတ်ရဲ့ ထိလွယ်ရှလွယ်မှာ
ရင်ခုန်သံ စည်းနဲ့ဝါးမတည့်
ဂစ်တာဝိုင်းအပေါ် လရောင်ဖြာကျတဲ့အခါဆို
သီချင်းတွေအော်ဟစ်ဆို
ဘဝမှာ ဘာမှငဲ့စရာမလို
အဲ့ဒီခေတ်ကာလရဲ့ အမှတ်အသားဟာ
အဲ့လို ပလက်ဖောင်းရှိုးတွေပဲ
နောက်တော့ ငါတို့ဟာ ဘုံဆိုင်တွေဆီကိုပဲ မျက်စောင်းထိုးနေခဲ့ပြီ
နုပျိုခြင်းတွေကို သက္ကရာဇ်တွေဟာ ဝါးမြိုသွားကြ
နံရံကရွက်စုတ် ပြက္ခဒိန်လေးဟာ အသားညိုမြမြ
ငါဂရုစိုက်တယ် သီချင်းတွေထဲမှာ ကာရံအထားအသိုကအစ
ဒါပေမယ့် ငါ့အစ်ကိုဟာ အမြဲ ငါ့အပေါ်မှာ အားမလို အားမရ
Rest In Peace My Brother
ကားကြိုကားကြားက အဖေ့ချွေးနဲ့စာနဲ့ ဝလင်ခဲ့တာ
ငါဟာမတင်းတိမ်နိုင် ဘဝမှာ ဒီထက်ပို ရချင်တဲ့အခါ
ငယ်သူငယ်ချင်းတွေနဲ့ ဘောလုံးကွင်းလေးကို စတင်ခွဲခွါ
တစ်ခါက သင်္ဃန်းကျွန်းညများ ဘယ်တော့မှ မမေ့နိုင်တော့ပါ ငါ့ရင်ထဲမှာ
Cho:
အိပ်မက်များဟာ ငါ့ပုဆိုးစလိုပဲ
လမ်းမခေါ် နွမ်းလျှကာ ဖွာလန်ကြဲ
လက်ဖက်ရည်ဆိုင်က သီချင်းတွေ
စလွယ်သိုင်းရင်းလေ အိမ်စောင့်နတ်နဲ့လဲ မတည့်
ကတ်ဆက်တစ်လုံးကို ပုခုံးဖက်ပေါင်းသင်းခဲ့တယ်
ရင်ခုန်သံကို စာရွက်အလွတ်တွေထဲထည့်
ကမ္ဘာမှာ ဘာနဲ့လဲနိုင်မလဲကွယ်
တစ်ခါက သင်္ဃန်းကျွန်းညများရယ်
ကမ္ဘာမှာ ဘာနဲ့လဲနိုင်မလဲကွယ်
တစ်ခါက သင်္ဃန်းကျွန်းညများရယ်
Credits
Organization
Song Writer
Musicians
Engineer
Song Bio
"တစ်ခါက သင်္ကန်းကျွန်းညများ" ဆိုသည်မှာ လက်ဖက်ရည်ဆိုင်များ၊ ကက်ဆက်ခွေများ၊ လမ်းပေါ်က ရန်ပွဲများ၊ အိပ်မက်များနှင့် ညီအစ်ကိုသံယောဇဉ်များဖြင့် ပြည့်နှက်နေသော သင်္ကန်းကျွန်းမြို့နယ်၏ အတိတ်က နုပျိုရိုင်းစိုင်းခဲ့သည့် ညမောများကို ဂုဏ်ယူဝင့်ကြွားမှု၊ ခံစားနာကျင်မှုတို့ဖြင့် ပြန်လည်ပုံဖော်ထားသည့် G Fattရဲ့ လွမ်းမောဖွယ် Rap ကဗျာတစ်ပုဒ် ဖြစ်သည်။